مایكڵ جاكسن - Micheal Jackson

مایکڵ جاکسن لە 29 ى ئۆگه‌ستی ساڵی 1958 لە گاری ، ئیندیانا لە ئەمریکا لە دایک بووە ، یەکەم جار لە تەمەنی 11 ساڵیدا لەسەر تەختەی شانۆ دەرکەوت کاتێک ئەندامی تیپی " جاکسن فایف " بوو کە لە خێزانی مایکڵ پێکھاتبوو، حەوتەم کوڕی بنەماڵەکەی بوو کە لە نۆ خۆشک و برا پێکھاتبوون " مایکڵ، رۆبی، جاکی، تیتۆ، جیرمان، لاتۆیا، مارلۆن، براندی، جانێت" . جۆزیف واڵتەری باوکیان گرفتی زۆری ھەبوو لەگەڵ ئەم منداڵانە، وا باوەر دەکرێت کە ئەمە ھۆکاری ئازاری منداڵان لە لایەن مایکڵەوە بووە. لە ساڵی 1993 بۆ یەکەم جار مایکڵ جاکسۆن لە ئەڵقەیەکی بەرنامەی ئۆپێرا وینفری باسی لە ناخۆشییەکانی تەمەنی منداڵی خۆی کرد و گوتی: "من لە تەمەنی منداڵیدا ھەمیشە ھەستم بە تەنیایی دەکرد و پەشیمان بووم لەوەی باوکێکی وەک جۆزیفم ھەیە، بۆیە ھەمیشە بە تەنیا دەگریام".



لە چاوپێکەوتنێکی راستەوخۆدا لە ساڵی 2003 کاتێک سەرەڕای ئەم ھەموو دەردەسەری و ناخۆشییانە بەھرە و تواناکانی مایکڵ ھەر لە تەمەنی منداڵییەوە ھەستی پێدەکرا بەتایبەتی کە لە تەمەنی 5 ساڵیدا لە ئاھەنگەکانی سەری ساڵ و لە قوتابخانە گۆرانی دەگوت، لە ساڵی 1964 برا گەورەکەی جاکی تیپێکی مۆسیقای دامەزراندن بەناوی " Jackson Brothers " و مایکل لەگەڵ براکانی گۆرانیەکی چەند کەسی گۆرانی دەگوت و سەمای دەکرد، لە ساڵی 1971 مایکڵ بە تەنیا دەستی بە گۆرانی گوتن کرد و چەندین ئەلبوومی بڵاوکردەوە کە سەرکەوتنی بێ وێنەی تۆمار بەدەستھێنا، لە ھەشتاکانی سەدەی رابردوودا جاکسۆن یەکەم رەش پێست بوو بگاتە ئاستێکی جیھانی بەرز و ئاراستەی گۆرانی جیھانی لە گۆرانی ئاساییەوە گۆڕی بۆ گۆرانی ناوبانگ دەرکردن و دروستکردن، گۆرانییەکانی مایکل مەودایەکی مرۆڤانەشیان ھەبوو بەتایبەتی(Black or white، earth) جگە لە گۆرانی مرۆڤانە، مایکل رێکخراوێکی خێرخوازی تایبەت بەخۆی دامەزراندن کە ھاواکاریی پێشکەش بە 39 رێکخراوی خێرخوازی سەربەخۆ دەکات، بەمەش مایکڵ بوو بە یەکێک لەو گۆرانیبێژانە کە دواجار ناوبانگی دەرکرد.



یەکێک لە خاڵە جیاکەرەکانی ژیانی مایکڵ جاکسن ئەوەیە کە بەھۆی ئەنجامدانی چەندین نەشتەرگەری جوانکاری لە ماوەی چەند ساڵێکدا توانی رەنگی پێستی خۆی لە رەشی بگۆڕێت بۆ سپی، ئەم نەشتەرگەریانەش بڕێکی زۆر پارەی تێچوو کە جگە لە خەرجییە زۆر ئەم نەشتەرگەیانە کاریگەرییەکی سلبیان لەسەر تەندروستی رابردوو تووشی نەخۆشییەکی دەگمەن و نادیار ھاتبوو لە سییەکانی، ھەروەھا پێستی لەشی دووچاری تێکچوون و ھەڵوەرین ھاتبوو و لەئەنجامی ئەو نەشتەرگەییە زۆرانەی بۆ کرابوو جۆرە کرمێک لە پێستی پەیداببوو، ئەیان ھالبرین کە نووسەرێکی کەنەدییە و خەریکی نووسینی کتێبێکە لە سەر ژیانی جاکسۆن دەڵێ: لە ساڵانی رابردوودا باری تەندروستی بەرەو خراپی دەچوو تەنانەت توانای ئەوەی نەمابوو کە نەشتەرگەریشی بۆ ئەنجام بدرێت، کە زۆر پێویست بوو چاوی لای چەپی95 % ی توانای بینینى نەمابوو لە ئەنجامی نەخۆشی سییەکانی، ھەروەھا توانای قسەکردنیشی زۆر نەبوو.




لە ماوەی چەندین ساڵی کۆتایی ژیانیدا، مایکڵ ھیچ ئەلبوومێکی نوێی بڵاونەکردەوە و ھەموو کاتی خۆی بە یاوەری چەند منداڵێک لە خانووەکەی خۆی بەسەر دەبرد کە ھەموو شتێکی تێدا دەستەبەرکرابوو، بەڵام ئەم جۆرە ژیانە قسە و قسەڵۆکی زۆری دەربارەی ھەبوو و لە کۆتاییدا بە دەستدرێژی سێکسی کردنە سەر منداڵێکی ئەندام تۆمەتبارکرا و ئەویش بە توندی ڕەتی کردەوە و کێشەکە لە دەرەوەی دادگا چارەسەرکرا، لە کاتی ڕوودانی ئەم کێشەیە ژمارەیەکی زۆری جەماوەری مایکڵ پشتیوانی خۆیان بۆی دووپات کردەوە. بەر لەم ڕووداوە لە ساڵی 1995 گۆرانییەکی بەناوی they don't care about us بڵاوکردەوە کە چەند وشەیەکی تێدابوو دژی یەھودیەکان ئەمەش بووە ھۆی ئەوەی رەخنەیەکی زۆری لێبگیرێ لە سەرتاسەری جیھان، ھەر چەندە دواتر بە ڕەسمی داوای لێبوردنی کرد، بەڵام رەخنە گرانی گرنگیان بەم لێبوردنەکەی نەدا و گۆرانییەکەش رەواجی نەبوو، ھەر ئەو ساڵ واتە 1995 مایکل جاکسۆن ژیانی ھاوسەری لەگەڵ لیزا ماری ئەلڤین بریسلی پێکھێنا کە کچی گۆرانیبێژی ناوداری ئەمەریکی ئەلڤێس بریسلیە، بەڵام دوای 18 مانگ جیابوونەوە.



دوای چارەسەرکردنی کێشەی دەستدرێژی سێکسی بۆ سەر منداڵە کەم ئەندامەکە، مایکل ڕووی لە وڵاتی بەحرێن کرد و ماوەیەک لەوێش مایەوە، دواتر شێخ عەبدوڵڵای کوڕی حەمەد ئال خەلیفە لە دادگا داوایەکی دژی بەرزکردەوە و بەوە تاوانباری کرد کە پابەند نییە بەو گرێبەستەی لە نێوانیاندا مۆرکراوە بەپێی قسەکانی عەبدوڵڵا دوای کۆتایی ھاتنی کێشەکانی مایکڵ لەگەڵ دادگای ئەمەریکی ئەو ھەڵدەستێ بە میوانداری کردنی مایکل بۆ ماوەیەکی دیاریکراو بە مەرجێک بەیەکەوە کۆمپانیایەکی کاری مۆسیقا دابمەزرێنن و ئەلبوومێکیش بڵاوبکەنەوە، ھەر بۆی ئەم مەبەستەش ژمارەیەک لە ھاوڕێیانی مایکل داوەت کردبوو بۆ بەحرێن تاکو بەیەکەوە ئاھەنگی سەری ساڵ لە بەحرێن بەسەربەرن و مایکلیش بەم مەرجانە رازی بوو، بەڵام لە کۆتاییدا ئەو لەسەر ئەستۆی بوو جێبەجێی نەکرد، بۆیە شێخ داوای قەرەبوو کردنە یان جێبەجێکردنی بەندەکانی گرێبەستەکەی دەکرد، بەڵام باری تەندروستی مایکل رێگای پێ نەدەدا کە گۆرانی تۆمار بکات یان ئاھەنگ ساز بکات ئەم کێشەیەش کاریگەری دەروونی زیاتری لەسەر مایکل ھەبوو، بەڵام لە کۆتاییدا ئەو کێشەیەش چارەسەرکرا و مایکل بە ناچاری گەڕایەوە ئەمەریکا.ئەو دابڕانە زۆرە و کێشەیەک لە دوایەکانە بوونە ھۆی ڕووخانی مایکڵ لە بواری دەروونی و ئابوورییەوە، بۆیە بڕیاریدا 49 ئاھەنگ لەسەرتاسەری جیھان ساز بکات و لە لەندەنەوە دەست پێبکات، چونکە وامەزندە دەکرات داھاتی ئەم ئاھەنگانە بگاتە نزیکەی 400 ملیۆن دۆلار ئەمەش کاریگەری دەبوو لەسەر باشترکردنی باری دارایی جاکسۆن و ڕزگار بوونی لەو قەرزە زۆرانەی لە سەری کەڵەکە بوون، بەڵام ھەر ئەوکات ھەندێک لە بەرپرسانی کۆمپانیاکە گومانیان ھەبوو لەوەی مایکڵ بتوانێت بەڵێنەکانی بەجێ بگەیەنێت بە ئەنجامدانی ئەم ئاھەنگانە، چونکە رۆژانە دەرمانی زیاتری بەکار دەھێنا بۆ ئەوەی دەم و چاوی خۆی لە لاچوون و ھەڵوەرین بپارێزێت، ھەروەھا بەپێی رێنماییەکانی پزیشکانە نەدەبوایە ھەوا لەدەم و چاوی بدات، بۆیە زۆر کەس پێیان وابوو ئەگەر بتوانێت لە ئاھەنگەکانیش بەشداری بکات ئەوا دوایین ئاھەنگ دەبن.



‫مردنێکی‬ ته‌موومژاوی:

مردنی مایکڵ جاکۆن تا ئێستاش وەکو بیردۆزێکی قوڵ و قورسی لێھاتووە ڕوداو و شێوەی مردنی مایکڵ زۆر قسه‌ و باسی دروست کردوە ئایا مایکڵ مردوە یا خود خۆی شاردۆتەوە یا خود کوشتیان ! وەکو دەزانرێ مایکڵ کرا بوو بە ئەندامێکی دیاری ڕووناک کەرەوەکان وە زۆر ھەوڵی نەشتەرگەری دراوە بۆ گۆڕینی شیوەی دەموو چاوی مایکڵ کە زیاد لە 22 جار نەشتەرگەری بۆ کراوە بۆ گۆڕینی شێوەی بۆ ژنە فیرعەونێکی میصر 3500 ساڵ پێش زاین ، مایکڵ لە ماوەی ژیانی دا ڕووبەروی زۆر کێشە و قسەی خەڵک بوویەوە بەھۆی ئەم رێکخراوە مایکڵ زۆر جار قسەی ئەوەی کرد بوو کە ئە دەیان ئەوێ ناوبانگی مایکڵ بشێوێنن و بە نێر باز و کەسێکی دانێن کە دەست درێژی بکاتە سەر مناڵان " pedophile " وە ھەروەھا وت بووی کە ئەم رێکخراوە دەیان ئەوێ رەوت و شێوازی گۆرانی و مۆسیقا بگۆڕن بیشێوێنن بە کاری خراب و دوور لە مرۆڤایەتی ، مایکڵ زۆر قسەی تری کرد بوە ھۆی ھەڕەشە لەسەر ھونەر و ھەروەھا دژی ئەم رێکخراوە بۆیە بە ڕای زۆرینەی و بە ئاشکراش دیارە ئەگەر بە راستی مایکڵ مردبێ ئەوا بە دەست و پلانی ئەم رێکخراوە کوژراوە ئەویش لە ساڵی 2009 مایکڵ بە مردوی دۆزاریەوە لە ماڵەکەی خۆی دا و پاش پشکنین ئەوە راگەیەنرا کە مایکڵ بە ھۆی لێدانی رێژەیەکی زۆر لە ماددەی ھۆشبەر گیانی لە دەست داوە !! بەڵام ھەندێ سەرچاوەی تر زانیاری ئەوەیان خستۆتە ڕوو کە دوای ئەوەی لە لایەن دکتۆرەکەیەوە دەرزی لی ئەدرێ ئەوا تووشی لەش ڕەق بون ئەبێت و دەمرێت !! لا یەکی ترەوە لە ھەندێ سەرچاوەی ئەمریکی موسڵمان و مه‌سیحی دەوترێ مایکڵ ویستویەتی ئاینی خۆی بگۆڕێت و بێتە سەر ئیسلام کە لەوە ئەچێ ئەو رێکخراوە شکیان لێ بردبێت و زو بە زوو ھەوڵیان دا بێ کپی کەنەوە ! کە وەکو باس دەکرێ پێشوو تر مایکڵ قسەی لەگەڵ برا موسڵمانەکەی کە ناوی جێرمان بووە کردوە و باسی ئیسلامی بۆ کردوە ... وە ھەروەھا لە مەڕاسیمی رێز لێنان لە گیانی مایکڵ جێرمانی برای وتار دەدات لە کۆتای دا دەڵێت " مایکڵ چوویەوە بۆ لای خوا " ! .... بەڵام ئەمانە ھەموو قسەن و بە تەواوی ڕوون نیە بەڵام بیردۆزی کوشتنەکەی لە لایەن ڕوونا کەرەوەکان زیاتر خاڵی لەسەرە.

ناوداران 4:01 ص